Ungaran / Jowopos.id – Suasana neng Dukuh Krajan, Kelurahan Candirejo, Kecamatan Ungaran Barat, Kabupaten Semarang, Minggu (31/8) wes rame pol! Ratusan warga padha dolan bareng nyambangi acara bakti sosial (baksos) pengobatan tradisional massal sing digelar karo PERISAI Jati Diri.
Ora kurang saka 300 wong ngantri manut giliran. Macem-macem layanan disediyakke, ora mung pijet refleksi lan pijet saraf, nanging yo ono bekam Sunan, totok saraf, gurah mripat-hidung-telinga, terapi bioelektrik, nganti Al-Fasdhu. Pokoke lengkap, tinggal pilih koyo menu angkringan.
Sing nggawe luwih mantab, ana 30 terapis sing siap noleh-ngopeni warga, kabeh gratis tis-tis.
Ketua panitia, Sugianto (sing asring dipanggil Oscar), ngaturaken terima kasih karo kabeh sing melu.
“Matur nuwun sanget kanggo para terapis sing gelem nyisihke wektu, lan warga Candirejo sing semangat banget teko acara iki,” ujare karo mesem.
Ketua Umum PERISAI, Muji Hartono, yo ora kalah bungah.
“Kegiatan iki ora mung gawe sehat, nanging yo nguatke tali silaturahmi. Para terapis yo terus dimotivasi, saben telung wulan ono pelatihan lan pendidikan rutin,” terangne.
Warga Candirejo sing teko akeh sing ngelihati keguyuban iki. Ana sing kandha, “Mugo-mugo acara koyo ngene iso ajeg terus, ben awak tetep waras lan guyub rukun.”
Pokoke, baksos iki dadi bukti yen kesehatan lan kebersamaan iku iso digarap bareng-bareng, ora mung urusan rumah sakit thok. Wong Jawa ngomong, “Sehat iku regane luwih larang tinimbang berlian, nanging yen gratisan yo ojo ditolak, ben iso sehat bareng.
Dipuntulisdining : Kang Adi
