NGARAN || JowoPos.id-Kecelakaan tunggal kedadeyan ana Jalan Kartini, Ungaran, pasé ing mburi Kantor Bupati Semarang, wilayah Sembungan, Kecamatan Ungaran Barat, Rabu sore (23/7/2025) jam 16.00 WIB.
Saka info sing dijupuk saka Satlantas Polres Semarang, truk box ekspedisi plat nomer B 9159 TXX, sing dikemudèkaké Farkhan Ikhsan (20), warga Kendal, numpaki trotoar lan terguling. Diduga sopir kurang konsen nalika nyetir.
“Truké mlaku saka arah Bawen arep menyang Semarang. Tekané nang lokasi, sopiré koyo ngono ilang konsentrasi, ora bisa ngindari trotoar, banjur kendaraané oleng lan tumpes,” ujare AKP Lingga Ramadhani, STK. SIK. CPHR., Kasat Lantas Polres Semarang.
Saka kesaksian warga, Dwi Harto lan Joko Siswanto, kecelakaan iku lumaku cepet lan ora nyenggol kendaraan liyan. Kanit Gakkum, Ipda Handriyani, SE. MM., sing mimpin evakuasi, uga nguatké info kuwi.
Sak unit derek langsung diturunké kanggo ngevakuasi truk sing terguling. Ana tumpahan solar nang lokasi, makané Satlantas langsung koordinasi karo Damkar Kab. Semarang kanggo mbantu resik-resik.
“Truké wis kasil dievakuasi. Merga ana tumpahan solar, kita njaluk bantuan Damkar kanggo ngresiki lokasi bareng-bareng,” cethaké Ipda Handriyani.
Polres Semarang nyuwun marang kabeh pangguna dalan supaya luwih waspada lan tetep konsentrasi nalika nyopir, utamane nang tikungan tajem. Aja kesusu, utamake keselamatan.
Dipuntulis Dining : Kang Adi
