SEMARANG | JOWOPOS.ID – PLN ULP Ambarawa sesambungan karo Satlantas Polres Semarang ngadani kegiatan sosialisasi lan edukasi babagan safety driving kanggo para mitra kerja. Kegiatan iki ditindakake ana ing Selasa, 29 Juli 2025, awan jam 08.00 WIB, ing Kantor PLN ULP Ambarawa.
Acara kasebut dipimpin dening Kanit Turjagwali Ipda Yulius Dimas, S.H., M.H. lan Kanit Kamsel Ipda Aprilia Ika, S.Psi., M.M., lan ugo kepareng rawuh Manager PLN UP3 Salatiga, Vicky Reandry.
Miturut penjelasan Ipda Aprilia, edukasi sing diwenehké ora mung ngandharake pentingé keselamatan lalu lintas, nanging ugo ngenani teknik dhasar nyopir sing aman (safety driving).
“Awaké déwé ngajari carané sopan tur selamet nalika nyambut gawe ing dalan. Kanthi ngono, mitra kerja bisa luwih waspada lan ngerti risiko-risiko sing bisa muncul nalika kerja lapangan,” ujare Ipda Aprilia.
Sak senadya, Manager UP3 Salatiga, Vicky, ugo matur nuwun lan ngapresiasi kegiatan iki.
“Mugi kabèh mitra kerja saged njupuk manfaat saka edukasi iki. Awit kerja lapangan kuwi resikone dhuwur, utamane nalika ana ing dalan,” pangandikane.
Para peserta sing melu kegiatan iki asalé saka limang perusahaan mitra kerja PLN:
PT PLN ES Area Salatiga
PT Bayu Tehnik Wicaksono
PT Armarin Jaya Mandiri
PT Gen Wijaya Indonesia
PT Karya Arum Gemilang
Total peserta ana 100 wong.
Pihak Polres Semarang ngendika menawa edukasi iki minangka bentuk komitmen bareng antarane kepolisian lan instansi, supaya budaya kerja sing aman lan tertib bisa diterapké, luwih-luwih kanggo pekerja lapangan sing kerep ana ing dalan gedhé.
Dipuntulis Dining :Kang Adi
