Jakarta | JowoPos.id – Presiden Republik Indonesia, Prabowo Subianto, wis bali tekan Tanah Air dina Rebo, 16 Juli 2025, sawisé rampung nglakoni kunjungan kerja maring pirang-pirang negara ing Timur Tengah, Amerika Latin, lan Eropa.
Ketekane Presiden ing Pangkalan TNI AU Halim Perdanakusuma, Jakarta, disambut hangat déning Wakil Presiden Gibran Rakabuming, Wakil Ketua DPR RI Sufmi Dasco, Menteri Luar Negeri Sugiono, Menteri Sekretaris Negara Prasetyo Hadi, lan Kapolri Jenderal Listyo Sigit Prabowo.
Presiden Prabowo nglairaké yèn kunjungan pertamane ing Arab Saudi ngasilaké asil sing positif. Dheweke ketemu langsung karo Putra Mahkota sekaligus Perdana Menteri Kerajaan Arab Saudi, Mohammed bin Salman Al Saud.
“Hasilé produktif, panjenengan krungu dhewe pengumumané, dudu saka kita, nanging saka pihak Arab Saudi. Wong-wong kono uga nganggep asil kunjungan iki berhasil. Ana kemajuan gedhé ing sawatara bidang, lan investasi Arab Saudi maring Indonesia bakal ditambahi,” ujare Prabowo.
Presiden uga ngajokaké gagasan pembangunan perkampungan haji permanen kanggo jamaah asal Indonesia ing tanah Arab.
“Aku ngusulaké Indonesia arep mbangun perkampungan haji permanen ing kana. Prinsipé pihak kono ora keberatan, nanging kudu ana persiapan teknis dhisik,” tegasé.
Ora mung ing Arab Saudi, Presiden Prabowo uga ngoyak penguatan kerja sama karo negara-negara Timur Tengah liyané kaya Mesir, Emirat Arab, Qatar, lan Jordan.
“Hubungan kita karo negara-negara Timur Tengah saiki saya raket. Kita sinkron banget karo Arab Saudi lan kancané,” tambahé.
Saka Timur Tengah, Presiden nerusaké lelungan menyang Brasil kanggo rawuh ing KTT BRICS 2025 ing kutha Rio de Janeiro. Dheweke uga ngadani kunjungan resmi menyang Brasilia lan ketemu karo Presiden Brasil, Luiz Inácio Lula da Silva.
“Kita resmi diterima dadi anggota BRICS. Sakwisé kuwi, aku ketemu Presiden Lula ing kunjungan resmi. Sambutané apik,” ujare Presiden.
Presiden Prabowo nyorot pentingé penguatan kerja sama Brasil-Indonesia sing isih kurang optimal.
“Brasil lan Indonesia kuwi loro-loroné negara gedhé, duwé hutan tropis sing bisa dibilang paru-paruné donya. Nanging anèh, hubungan dagang kita cilik banget. Iki kudu ditingkatké,” tandasé.
Sabanjuré, Presiden menyang Brussels, Belgia, kanggo ketemu karo Uni Eropa lan ngadani pertemuan pribadi karo Raja Belgia, Philippe.
“Sawisé 10 taun negosiasi angel, pungkasane kita tekan kesepakatan CEPA karo Uni Eropa, padha karo Free Trade Agreement. Barang Indonesia bisa mlebu Eropa tanpa tarif. Iki simbiosis mutualisme, kita duwé komoditas lan pasar, Eropa duwé teknologi lan modal,” tegasé.
Saka Belgia, Presiden nerusaké lelungan menyang Prancis kanggo rawuh ing peringatan Hari Nasional Prancis Bastille Day minangka tamu kehormatan. Kontingen Satgas Patriot II saka Indonesia dadi pambuka parade militer ing Champs Élysées.
“Iki pisanan ana negara Asia sing kapilih mimpin defile Hari Nasional Prancis. Aku uga ngobrol suwe karo Presiden Macron, bahas akeh bab, lan asilé produktif,” kandhané.
Minangka penutup lawatan internasionalé, Presiden Prabowo mampir menyang Minsk, Belarus, kanggo ketemu karo Presiden Aleksandr Lukashenko.
“Sawisé kuwi aku mampir nang Belarus, Minsk,” tutupé Presiden.
